《今日我喺圖書館借左本魔法書返屋企》（8)
「有咩特別架？」雖然摸上手很舒服，可是我覺得好像有點普通。
「你集中少少望住佢，好似頭先喺巴士望出面個天空咁。」
「咦，我見到啦，點解會有星星喺上面嘅？」
這才發現原來布上面依附了很多白色光點。
「因為經過魔法師喺流星雨之夜嘅祝福，流星嘅靈魂就依附左喺塊布上面啦，佢地可以抵擋到所有中級魔法甚至幻術都可以架！」Charlie從我手拿過布後，把它放在桌上慢慢打開，布上的星星閃閃發光，把整個房子都照亮著。
「就呢塊啦，星空黑好少見架！反正老師都預左魔力比你。」
小黑興奮地拉住我的衣袖說。
「咩預左魔力比我？」我呆呆地望向她，Charlie聽到我這樣問不禁微笑了一下。
「呢位小姐喺新手魔法師呢？喺魔法世界，魔力等同錢。」
Charlie拿回剛剛小黑給她那半滿的燒瓶。
「呢尐好似血咁嘅野就喺魔力？」
我指住燒瓶問。
「喺呀！為左將魔力實體化，我地會將輸出嘅魔力放入呢尐特製燒瓶入面，等佢接觸到裡面嘅空氣就會化成液體。」小黑也拿了另一個空的燒瓶出來。
「就呢塊啦，咁我地就可以襯一套啦！」小黑張開自己的斗篷在原地轉圈。
「好呀，反正我都好鍾意星星嘅，咁就呢塊啦唔該。」我向Charlie點了一下頭，Charlie有禮貌地回應了句「唔洗客氣」後就把布匹捲好，然後把它放在地板上。
「butter-fly-because butterfly」
Charlie站在一旁，從腰間拿出魔杖向地板施法，黃色的魔法陣出現在地板上，而布匹就在魔法陣的正中間，施法期間，魔法陣出現了無數的黃色蝴蝶，牠們紛紛包圍著布匹，直到整塊布匹也被蝴蝶包圍，而有些蝴蝶則飛到我的身上，突然黃光一閃，布匹、蝴蝶和魔法陣同時消失。
「好啦，送左去加工啦！」Charlie在言談間把魔杖收回腰間。
「唔洗度size架？」我回想起她們剛剛沒有幫我量度過任何尺碼呀。
「啱啱蝴蝶飛喺你身就喺幫你度size啦。」妹妹從我的背後走到我面前向我解釋。
「拎得果陣我會通知小黑架啦～飲唔飲杯茶先走？反正影先生送左靚茶葉比我地，嘻嘻。」Charlie拿著盛載茶葉的鐵罐詢問我的意見。
「好呀，咁我唔客氣啦！」
結果在Papillon度過了一個下午，跟Charlie兩姐妹聊了很久才知道原來Papillon就是指蝴蝶，是Charlie在學習法文時看的第一部電影名字的其中一個單詞。
這套電影主要是交代主角跟一個小朋友尋找稀有蝴蝶的故事，寓意夢想是要經過找尋，探索才能實現，沒有甚麼能一步登天。
也經過聊天得知道原來她們的祖先是女巫，擁有相當悠久的魔法家族史。
飲飽吃醉後，我們離開了Papillon走回大街。
「依家去邊？」天色比想像中快要黑，看來是冬天快將來臨，因此日照時間慢慢變短。
「你想去買魔杖先定去紋身先？」小黑在街道上尋找著一會兒要走的方向。
「咩話，紋身？」我承認我又被嚇到了。
「唔洗驚，呢種紋身唔痛而且只會喺你用魔法嘅時候先會現形，平時睇唔到架。」
小黑把衣領的鈕釦解開，展示她胸口的紋身給我看。
「咁有咩用？有型尐？」
我用力觀察她露出的位置，可是也看不見任何紋身的圖案。
「可以增強你嘅魔法，I-am-water-and-you-are-fish！」
她拿出魔杖，隨即唸出咒語，一條由水組成，整整有一隻手臂長的魚從魔杖前端飛出直擊地面，然後化作一灘水。
我看到她在唸咒語時，本來空無一物的心口突然浮現出藍色的魚紋身。
「如果無呢個紋身，啱啱果條魚大概只會得一隻手掌咁細條。」
小黑收回魔杖，把鈕釦扣回去。
我聽到她的一席話，想起之前那個籃球大的火球，如果我真的紋了身，那麼會否能射出一個更大的火球？
在她示範完紋身的效果後，她又帶我走了不知道多少條冷巷，然後來到一間上海理髮廳前。
「呢度剪頭髮架麻？」
看到那不停轉動的經典紅藍白柱，我相信自己的判斷沒有錯。
「表面嚟架啫！」
小黑雙手用力一推，門打開後，只見裡面跟印象中的上海理髮廳沒甚麼分別，我感覺小黑真的帶了我去錯誤的地方。
「你好。」
一位貌似盧海鵬的伯伯坐在角落裡的理髮椅上，正在拿著煙斗在吞雲吐霧。
「黃伯！我帶新朋友嚟紋身架！」
小黑把我推到黃伯身旁，於是我有點尷尬地點了一下頭。
「呢個年代仲有新魔法師？你食左邊個個靈魂呀小妹妹？」
黃伯向我吐了一口煙，我立刻就感到氣管很辛苦，不禁咳嗽了幾下。
「唔喺呀，唔喺呀，佢喺天生架，佢師傅喺老師呀。」
小黑擋在我前面，替我撥開煙霧，緊張地向黃伯解釋。
「老師會收徒弟？你落左咩迷魂藥比佢食呀？」
他用口咬住煙斗，慢慢地站了起身。
「我點知啫！可能喺因為佢覺得佢比左本魔法書我，攪到我學識左魔法好內疚掛。」我開始對這個老伯有點不耐煩，因為他由我入門開始就對我又不客氣而且很沒禮貌！
「哦……咁我有少少明啦，埋嚟啦。」
可能是我看錯，我竟然感覺到他的眼神有一絲憐憫。
----------------
今次真係好快爆……唔洗一陣就50share。
第一話：https://goo.gl/ZJHkBl
第二話：https://goo.gl/8knYoq
第三話：https://goo.gl/3RfjcB
第四話：https://goo.gl/cJmIoe
第五話：https://goo.gl/KFg83e
第六話：https://goo.gl/ZfR4Tj
第七話：https://goo.gl/7Ua8IE
如果覺得好睇！記住like ＆ share呀！
見你地LIKE得咁快，等我增加個難度啦！
如果呢篇文有150like 或者 50 share，即刻出多一篇！絕不走數！
IG. promiseof8
Search